Vrasja e Enver Malokut nga deputeti i Kuvendit të Kosovës, vjen ultimatumi i ministrit të Drejtësisë

0

Ministri i Drejtësisë, Abelard Tahiri e ka marrë me seriozitet një postim në facebook, të gazetarit, Bajrush Morina, i cili ka thënë se një deputet i Kuvendit dhe bashkëshortja e tij janë përgjegjës për vrasjen e aktivistit të LDK-së, Enver Maloku.

Menjëherë pas këtij postimi, Tahiri ka thirrur në telefon kryeprokurorin e shtetit, Aleksandër Lumezin dhe ka kërkuar nga ai që të merret me deklaratën e Morinës.

Ministri i Drejtësisë, siç merr vesh Gazeta Express ka qenë i prerë me kryeprokurorin Lumezi duke kërkuar nga ai që t’i shkohet deri në fund këtyre pretendimeve të Morinës pa anashkaluar as ndëshkimet për ata që akuzojnë pa argumente.

Sponzor

Me rastin e përvjetorit të 19-të të vrasjes së veprimtarit të LDK-së dhe gazetarit Enver Maloku, Morina pretendon se personat që kanë vrarë Malokun në vitin 1999 janë një deputet i Kuvendit të Kosovës dhe bashkëshortja e tij. Por në një bisedë për Express, Morina nuk ka dashur të jap emra se kush janë ata persona që ai i akuzon për vrasje.

-Sponzor-