Pallaska: Autokrati nga Tirana po bie, radhën e ka Kosova

0

Juristi dhe analisti politik, Dastid Pallaska, ka goditur kryeministrin e Shqipërisë, Edi Rama. Pallaska e ka quajtur autokrat shefin e ekzekutivit shqiptar, duke thënë se largimi i tij nga pushteti është i afërt.
Nëpërmjet një shkrimi në Facebook, Pallaska e ka cilësuar autokrat edhe presidentin e Kosovës, Hashim Thaçi, duke paralajmëruar se të njëjtin fat si Rama do ta ketë edhe ai.

Shkrimi i Pallaskës:

Sponzor

Autokratët kudo në botë – e posaçërisht në Ballkan – sundimin e tyre e bazojnë në mitin e pamposhtmërisë.

Në përpjekje për të projektuar fuqinë e tyre absolute, ata sundojnë me arrogancë sepse vetëm arroganca mund të fsheh mungesën e guximit.

Krejt çka nevojitet për të rrëzuar një autokrat është ekspozimi i faktit se nuk janë të pamposhtshëm.

Kjo ndodhë pikërisht atëherë kur ata nënvlerësojnë fuqinë e reagimit qytetar, duke i besuar gënjeshtrës së tyre se me të vërtetë janë të pamposhtshëm.

Nga ekspozimi i dobësisë deri tek rrëzimi formal mund të kalon një kohë. Por një gjë është e sigurtë, pas ekspozimit të dobësisë rrëzimi është i pashmangshëm!

Kjo duket se po ndodhë në Shqipëri këto ditë.

Shpresoj që edhe Kosova nuk do të vonon për t’i treguar autokratëve vendin që e meritojnë.

-Sponzor-