Krizë e madhe në Serbi: Mbi 500 milion euro më pak, 2600 biznese shuhen, afër 20 mijë serbë mbesin papunë

0

Zëvendëskryeministri i Serbisë, Rasim Lajiq thotë se Kosova nuk po reagon ndaj apeleve të Bashkimit Evropian që të hiqet taksa 100 për qind për mallrat serbe.
Ai vlerëson se duhet të pasojë aksioni i SHBA-ve dhe BE-së kur bëhet fjalë për këtë problem.

“Në parim ky nuk është vetëm raport ndërmjet Beogradit dhe Prishtinës, por po ndikon në perceptimin e tërë rajonit dhe se Ballkani sërish po kthehet në fokus si zonë e konfliktit”, ka thënë Lajiq.

Sponzor

Sipas tij, kjo mund të ndikojë në ardhjen e investitorëve në këtë pjesë të rajonit, sepse askush nuk investon në një rajon jostabil.

“Pas vendosjes së taksës prej 100 për qind, është paraqitur problemi i Ushtrisë dhe këtu shihet se nga një problem i vogël po krijohet një më i madh dhe situata po radikalizohet”, tha ai.

Ai ka thënë se nga 21 nëntori deri më 11 dhjetor në Kosovë janë futur mallra për 30 milionë euro më pak në krahasim me përiudhën e njëjtë të vitit të kaluar.

“Ky është dëm jashtëzakonisht i madh dhe nëse vazhdohet kështu dhe institohet në taksa shtesë, kjo praktikisht do të thotë se tregtia me Kosovën do të suspendohet krejtësisht”, ka thënë Lajiq.

Ai ka shtuar se 2600 ndërmarrje të vogla dhe të mesme nga Serbia të cilat kanë shitur mallra në Kosovë, tash e kanë të pamundur, pasi që me taksën 100 për qind nuk kanë gjasa që të jenë konkurrent në tregje.

Serbia vazhdon të ankohet në Bruksel dhe gjithandej ku mundet për taksën 100 për qind ndaj mallrave serbe të vendosur nga Qeveria e Kosovës.
Kur kanë mbetur edhe dy ditë pa u bërë një muaj që kjo taksë është vendosur, Serbia ka filluar t’i bëjë llogaritë për humbjet që po i pëson.

“Nëse vazhdon taksa e Kosovës 100 % për mallrat e Serbisë, ekonomia serbe në vitin që vjen do të ketë humbje më shumë se 514 milionë euro”, kështu ka thënë kryeministrja e Serbisë, Ana Bërbaniq.

Sic thuhet deri më tani Serbia ka humbur mbi 500 milion euro, janë mbyllur 2500 biznese si dhe pa punë kanë mbetur rreth 20 mijë persona.

-Sponzor-