Haradinaj ia kërkon vizat zyrtares franceze që po qëndron në Kosovë

0

Kryeministri Ramush Haradinaj ka pritur në zyrën e tij një delegacion nga diplomacia franceze. Atyre shefi i Qeverisë u kërkoi mbështetjen e Francës për liberalizimin e vizave për Kosovën.

I kryesuar nga drejtoresha e Departamentit për Evropën Kontinentale të Ministrisë së Punëve të Jashtme, Florence Mangin, një delegacion nga Franca gjenden për vizitë në Kosovë.

Sponzor

Kryeministri Haradinaj këtij delegacioni i tregoi se vendi është i gatshëm të jetë kontribuues në organizatat ndërkombëtare.

Shkrimi i plotë i Haradinajt:

Europa duhet parë Kosovën si konsumatore për ekonominë e saj dhe partnere kredibile për sigurinë rajonale e globale. Marrëdhëniet bilaterale dhe proceset integruese euro-atlantike ishin në fokus të takimit me delegacionin francez, kryesuar nga Drejtoresha e Departamentit për Europën Kontinentale të Ministrisë së Punëve të Jashtme, Florence Mangin. Kosova është e gatshme të marrë përgjegjësitë e veta si shtet, duke u bërë pjesë aktive e organizatave ndërkombëtare. Në këtë etapë, presim mbështetjen e Francës për heqjen e regjimit të vizave për qytetarët tanë, për të cilën i kemi përmbushur të gjitha kriteret me kohë dhe mbështetjen për anëtarësim në Interpol, me rëndësi kyçe për parandalimin dhe luftimin e krimit transnacional.

-Sponzor-