Djali i Fadil Vokrrit e bën për ‘pesë pare’ kryetarin e FFK-së: Ende pa u varrosur babai im, ai filloj ti mbledhë nënshkrimet

0

Gramoz Vokrri, djali i legjendës së futbollit shqiptar dhe ish-kryetarit të Federatës së Futbollit të Kosovës, Fadil Vokrrit, ka hedhur akuza të rënda ndaj kryetarit aktual të organit qeverisës të futbollit kosovar, Agim Ademit, se po e shkatërron siç thotë, atë që babai i tij me bashkëpunëtorë e ka ndërtuar me mund të madh, derisa po ashtu ka pohuar se Ademi e ka larguar atë nga puna në federatë.
Në një reagim për media të enjten pasdite – i cili erdhi pak orë pas konferencës për media të Agim Ademit në të cilën i pari i FFK-së tha se Gramozi nuk i ka pranuar pesë pozita në federatë dhe se është larguar vetë – djali i legjendës Vokrrit tha se nuk ka dashur ta bëjë publike situatën e në FFK për ta kursyer atë nga turbullimet, raporton Gazeta Express.

Reagim:

Sponzor

Të nderuar miq, dashamirë dhe sportdashës, Fillimisht, jam jashtëzakonisht I befasuar me mbajtjën e një konferencë për media rreth shkarkimit tim. Besoj fuqishëm që interesi i futbollit kosovar është më i madh sesa interesat personale duke perfshi edhe vetën në këtë parim. Ka mbi 45 ditë që nuk jam pjesë e strukturave të FFK-së pas një periudhe 6 mujore pa kontratë e as pozitë… Unë kam heshtur. Largimin tim nga Federata e Futbollit të Kosovës nuk e kam bërë publik për opinion, sepse nuk kam dashur që në FFK të këtë turbulencë, por kam dashur ta ruaj autoritetin, integritetin dhe reputacionin e Federatës së Futbollit të Kosovës të cilin me shumë mund e ngriti Fadil Vokrri dhe bashkëpuntorët e tij të vërtetë, ndërsa Agim Ademi po e shkatërron. Unë poashtu kam heshtur edhe atëherë kur ende pa përfunduar varrimi dhe e pamja për babain, tashmë kryetari i FFK-së, Agim Ademi kishte filluar mbledhjen e nënshkrimeve për postin që ka. Ai kishte premtuar se do të vazhdoj vizionin dhe frymën e Fadil Vokrrit, por sot me keqardhje ju them se FFK është shëndrruar në përndjekës të bashkëpuntorëve të Fadil Vokrrit, dhe për mua më shqetësues ishte fakti se ai pretendonte që në rast mospajtimi do i shkarkonte te gjithë. Mos transparenca financiare dhe tendencat ne referim nuk kan qen asnjehere vizioni i Fadil Vokrrit për futbollin e Kosovës. Agim Ademi me largoi nga FFK-ja për shkak se e kundërshtova, nuk u pajtova me abuzimet dhe mënyrën e udhëheqjes së tij. Sinqerisht më vjen keq për nivelin e disa anëtarëve të Komitetit Ekzekutiv dikur “miq-bashkpuntorë” të babit tim, për nënshtrimin dhe nënçmimin që ata po i’a bëjnë vetës dhe Federatës se Futbollit të Kosovës, të rreshtuar krah Agim Ademit. Pavarësisht ku do të më dërgojnë dallgët e jetës, në Federatë apo diku tjetër, zemra ime dhe familjes time do të rrah bashk me zemrën e futbollistëve të Kosovës, për të përjetuar emocionet që ata na sjellin të gjithëve. Me respekt dhe fair play Gramoz Vokrri

-Sponzor-