Dëshmia e shoqes për shqiptaren që vrau foshnjen: Dukej e lumtur në Facebook!

0

Opinioni publik në Greqi është tronditur nga rasti i një 19-vjeçareje shqiptare, e cila hodhi në koshin e plehrave foshnjen e saj.

Ngjarja ka ndodhur në Shkurt të vitit të kaluar në Athinë. Foshnja u gjet e vdekur, ndërsa sot u arrestua 19-vjeçarja shqiptare dhe e ëma e saj 54-vjeçare pasi u zbulua krimi një vit pas hetimeve.

Sponzor

Shoqja e 19-vjeçares tregon të tjera detaje rrënqethëse. “Ajo e kishte menduar shumë kohë përpara se ta vriste”, thekson shoqja e saj.

Dëshmia e shoqes për shqiptaren që vrau foshnjen: Dukej e lumtur në Facebook!

“E njihja atë vajzë sepse ishim nga i njëjti ishull. Pastaj u largua nga ishulli kur i vdiq babai dhe shkoi në Athinë. Më pas erdha edhe unë në Athinë dhe bisedova me të përmes Facebook-ut. Folëm shpesh, por kurrë nuk më tha se ajo ishte shtatzënë. Dhe ajo që më shokoi më shumë është se tre ditë më parë ne po flisnim në Facebook dhe ajo publikonte fotografi dhe tregonte që ishte mirë. Nuk kuptohej që ajo vajzë kishte lindur, e kishte mbytur foshnjen dhe e kishte hedhur në koshin e mbeturinave. Unë mendoj se ajo e kishte planifikuar që do të vriste fëmijën“, thotë për gazetën “Protothema” shoqja e 19-vjeçares shqiptare.

“Publikonte fotot në Facebook dhe dukej e gëzuar, e qeshur. Ndonjëherë, në mesazhe përgjigjej me shumë zemërim dhe njëherë e pyeta ‘çfarë të ka ndodhur’? Ajo m’u përgjigj ‘nuk jam mirë psikologjikisht’. Dhe aty e mbylli bisedën. Gjithmonë thonim që do të takoheshim të flisnim nga afër dhe pastaj anulonim takimin. Flisnim vazhdimisht për lidhjet tona dhe më kishte treguar për një lidhje që kishte me një ushtar në ishull, i cili nuk sillej mirë me të dhe u ndanë. Më vonë ajo u lidh me një djalë tjetër në Athinë. Edhe me atë u nda, dhe më tha që është shumë e vështirë për të gjetur një djalë të mirë.

Kur kishte mbetur shtatzënë, po të donte ta mbante, mua të paktën do të ma kishte treguar. Kështu që unë mendoj se ajo e vrau foshnjen. E kishte menduar shumë kohë përpara. Nuk i tha askujt asgjë, sepse e kishte menduar që do ta vriste. Mamanë e saj nuk e kisha njohur. Di që ishte një njeri shumë i mbyllur në vetvete dhe mësova se shoqja ime punonte në një qendër estetike”, tregon ajo.

19-vjeçarja shqiptare ka pranuar krimin dhe ka treguar para hetuesve se ishte një shtatzani e padëshiruar me të dashurin e parë që kishte. Ajo tregoi se kishte lindur në vaskën e shtëpisë së saj, e ndihmuar edhe nga e ëma 54-vjeçare. Më pas, e kishte mbytur foshnjen duke i vendosur një letër në gojë që të mos dëgjoheshin të qarat dhe e kishte hedhur në koshin e mbeturinave.

-Sponzor-