Cristiano Ronaldo, ‘mbret’ në Instagram

0
Cristiano Ronaldo, me 133 milionë ndjekësit e tij, ka trafikun më të lartë.

Cristiano Ronaldo bën sërish më mirë sesa rivalët e tij Lionel Messi dhe Neymar.

Ylli portugez i ka mundur të dy kolegët në klasifikimin e sportistëve më të pasur nëpërmjet Instagramit.

Sipas një programi analizues për postimet në Instagram, që harton edhe klasifikimet e personave me sponsorizime më të mëdha dhe me më shumë influencë, Ronaldo, me 133 milionë ndjekësit e tij, ka trafikun më të lartë.

Një kompani që vendos të sponsorizojë në faqen e tij në Instagram do të paguajë 750 mijë dollarë për postim, ndërkohë që pas tij në klasifikimin e 5 futbollistëve me më tepër influencë dhe me çmimin më të lartë janë Neymar, Messi, David Beckham dhe Gareth Bale, transmeton “TCH”.

Një postim në faqen e Neymar dhe Messi kushton respektivisht 600 dhe 500 mijë dollarë, ndërkohë që tek profili i Beckham kushton 300 mijë dhe tek i Gareth Bale kushton 185 mijë.